ევროპის საფეხბურთო ჩემპიონატზე ქართველი გულშემატკივრებისთვის განკუთვნილი ბილეთების გაყიდვა 15 აპრილს, საქართველოს დროით 13:00 საათზე დაიწყება. ინფორმაციას ამის შესახებ ეროვნული ნაკრები ავრცელებს.
ბილეთების შეძენა UEFA-ს პორტალზე იქნება შესაძლებელი.
"დეტალურ ინფორმაციას და გზამკვლევს ჩვენი გუნდის გულშემატკივარს უახლოეს დღეეებში გავუზიარებთ", - აცხადებენ ეროვნულ ნაკრებში.
საქართველო ისტორიაში პირველად ევროპის ჩემპიონატზე ითამაშებს. 2024 წლის ევროპის ჩემპიონატი გერმანიაში ჩატარდება. საქართველოს ეროვნული ნაკრები 18 ივნისს თურქეთის ეროვნულ ნაკრებს დაუპირისპირდება.
დახურვა