სვანეთში მაშველებმა მდინარე ნაკრაში დაკარგული მოზარდის ცხედარი იპოვეს, ინფორმაცია ამის შესახებ ფორმულას საგანგებო სიტუაციების მართვის სამსახურში უდასტურებენ.
ცნობილია, რომ მაშველებმა, სამ-დღიანი ძებნის შემდეგ, სკოლის მოსწავლის ცხედარი მდინარე ენგურთან იპოვეს.
ამ დრომდე გრძელდება ორი დაკარგული მოზარდის სამძებრო სამუშაოები.
ავტოსაგზაო შემთხვევა 2 მაისს, სოფელ ნაკრასთან მოხდა. სკოლის მოსწავლეები ჭუბერიდან ბრუნდებოდნენ. სამივე დაკარგული ერთმანეთის ნათესავია.
სამძებრო სამუშაოები მიმდინარეობს ენგურშიც, რომელსაც მდინარე ნაკრა უერთდება. ორივე მდინარე ადიდებულია, რაც სკოლის მოსწავლეების სამძებრო სამუშაოებს ართულებს.
დახურვა